呢幾日多區都立立亂，尋日港鐵幾乎完全暫停，好多商場都冇開門，喺呢個又混亂又唔方便嘅環境下，連康樂及文化事務署（康文署）都有好多設施關門，原本就公布西貢坑口體育館同黃大仙區南蓮園池要暫停開放，絕大部分嘅康文署表演場地都要暫停開放，後來康文署直情話，轄下嘅文康設施喺一時起暫停服務添。睇番康文署新署長劉明光喺星期五剛剛上任，唔通佢嘅新作風就係遇到大事就關門？唔知日後再遇大事係咪都會選擇關門避開呢？
