立法會議員盧偉國（WK，右）熱愛音樂，閒時會唱吓粵曲就人人都知，近日喺社交網站有張佢同粵劇名伶譚倩紅（左）同台合唱嘅相，真係令人眼前一亮。年輕一代未必個個記得「譚倩紅」呢個名，但相信唔少八十後一見到佢個樣，就會記得佢就係電視劇《真情》入面嘅「容姨」。「容姨」喺相中舉高手指，睇落唱得相當投入。WK話，呢張相其實係星期四晚，一個紀念粵樂大師王粵生嘅演唱會中影嘅，佢同「容姨」合唱咗一首「搬家曲」，仲話係二人首次正式合唱演出添。認真難得！
（互聯網）
