政情：梁福元一肚氣 網上開炮插建制

轟重提收地自打嘴巴

鄉議局早前開會安排特別環節討論《收回土地條例》，今屆起為鄉議局永遠顧問嘅梁福元冇發言，傾到呢個環節時仲唔見咗人。雖然冇喺會上加入炮轟民建聯行列，但佢就喺網上出擊，話有政黨大肆宣揚「今日的我打倒昨天的我」，重提以《收回土地條例》徵收土地發展房屋，一聽就知鬧緊民建聯喇。

梁福元仲講到，新界有好多荒廢農地同祖堂地，因為無得到應有發展先搞到咁荒蕪，單單好似十八鄉，雖然位置近市中心，但就因為政府唔重視而野草叢生，仲話好多熟地只要簡單基建就可以提升，但偏偏政府捨易取難搞棕地先難取得全民支持喎。果然係一肚氣！