政情：今日你上鏡：鄺俊宇唔夠瞓濕疹爆發

身兼元朗區議員嘅立法會議員鄺俊宇，早前現身元朗區議會會議時，塊面好多地方都紅紅哋，唔通出暗瘡咁青春？鄺俊宇回覆話，佢係濕疹爆發，鄺媽媽依家搶救緊佢，不斷煲啲山地等材料嘅去濕湯畀佢。佢話一唔夠瞓濕疹就嚟料，今次就係喺將軍澳凌晨斬人案開始出現濕疹，當日自凌晨起做足全日嘢，通常有一兩日病情特別嚴重，嗰陣都唔想外出見人，點知又要去開區議會，不過病情一直都好反覆，一兩日後又會冇事。佢話，因為自己係社工，呢排成日去幫學生，近來難免經常唔夠瞓咁話。