華仔是公司新請回來的辦公室助理，今天同事傑哥請他幫手將文件放入紙箱封好，再搬運到雜物房。傑哥提議：「其實喺辦公室都會遇到許多人力搬運嘅機會，不如開工前提醒你一啲搬運技巧啦。」華仔回答：「好呀，唔該晒傑哥。」
傑哥說：「當然啦，如果可以避免搬運嘅就最理想啦，但如果唔得嘅話，首先開工前要先計劃整個搬運活動。例如一個紙箱幾重，最後要放邊度，運送路徑中有無障礙物等，呢啲我頭先睇過，大致都暢通無阻。」華仔問：「跟住呢？」
傑哥再說：「準備提舉紙箱嗰陣，要採取正確提舉步驟和姿勢，盡量站近紙箱，一隻腳靠近物件，另一隻腳稍後，保持身體平衡和腰背挺直，緊握物件，用腿力慢慢站起來，動作要流暢，亦要留意太緊嘅衣物及鞋類會影響活動能力。」華仔追問：「呢啲都係『搬』，咁『運』有咩建議？」
傑哥回答：「當提起件貨後，把貨物靠近身體腰部。搬運期間保持身體的自然姿勢和移動方向，避免扭動背部或側身傾斜，轉向嗰陣要利用腳部移動。最後運貨時盡量保持抬頭，除咗可以留意到手中貨物外，仲可睇到前方路面情況，同留意自己嘅手腳，確保運送期間唔會撞上前面雜物房的門框或其他障礙物o架。」華仔點頭說：「謝謝傑哥你嘅教導，咁我可以安全咁開工啦。」
職業安全健康局
www.oshc.org.hk