【本報訊】香港交易所「死機」，期貨市場陷入癱瘓，有專業投資者直言自己賺少一筆，對此感到非常失望。不過，有熟悉期貨交易的人士表示，如果投資者因為「死機」而蒙受損失，恐怕「無得賠」，因為全球期貨交易所亦不會因為技術故障而作出賠償，「唔係（就）賠死佢」。
一名「炒開」期指的專業投資者表示，數日前買入恒生指數期貨，港股周三急漲超過一千點時「食咗一半胡」，原本預期昨日大市會繼續向上，屆時會「食埋嗰一半胡」，詎料人算不如天算，昨日下午期指暫停交易，他直言感失望。他說：「好彩星期四波幅唔大，如果喺星期三大升市時停市，大戶、細戶一定激心！」
投資者學會主席譚紹興則指出，投資者在證券行開設戶口時所簽訂的合約，基本上已「滴水不漏」地保障證券行，更重要的是，合約亦獲香港證監會審批，因此很難向證券行追討交易所「死機」而招致的損失，投資者只能慨嘆倒楣。
資深投資銀行家溫天納亦表示，交易所本身已經有免責條款，因此投資者難望向交易所追討因「死機」招致的損失。