政情：公民講場：課本貴電子書無作為 楊潤雄快諗計

臨近開課日，有政黨公布嘅調查結果話仔女嘅開學開支相當沉重，尤其係教科書貴咗，建議政府穩定課本價格，仲建議要推動電子教學，減輕買教科書開支，以減輕家長嘅經濟壓力。話時話，政府早幾年就話要搞電子書，但搞極都搞唔起，就連書商都冇晒興趣，究竟教育局局長楊潤雄有冇上心o架？抑或已經將呢件事拋諸腦後呢？依家有人出嚟踢佢，唔該佢就積極啲做喇，咪再加重家長嘅負擔。