政情：八網難逃：陳沛然踢波大過天 忙極要捧盃
最近反修例示威遊行不斷，立法會醫學界議員陳沛然（Pierre）就好似戰地醫生咁，好多次都落示威現場義務做救護工作。近日佢喺社交平台上傳咗拎住獎盃嘅相，仲話係喺九龍灣趕到銅鑼灣拎獎牌，咁頻撲，唔通中途又係去咗示威現場幫手？
工作行程逼爆全日
我哋問過Pierre，原來佢已經同朋友踢咗兩季，今次贏咗業餘足球聯賽，嗰晚去捧盃。其後佢喺Facebook發圖話有日好夜先返屋企，翌日朝早喺醫院幫病人照胃鏡同大腸鏡、下晝做議員工作、黃昏又去電台。整日啲行程都滿晒，之不過，無論幾忙佢都會同朋友踢吓波嘅，畢竟佢都講過自己正職係足球員，興趣係做醫生嘛！