政情：市民踩場鬧李漢奸 促四大毒人幫快躝

近期香港因為修訂《逃犯條例》而觸發示威浪潮，造成好多年輕人被捕而喪失大好前程，唔少市民可能睇唔過眼，近期紛紛走去漢奸黎位於何文田寓所外進行快閃示威，抗議漢奸黎走狗賣國、鼓吹暴力，由佢一手創辦嘅《蘋果日報》蠱惑造謠等。

尋日再有市民踩上門示威，但今次就由何文田轉場去半山馬己仙峽道，目標就係李漢奸住宅囉！示威者一行十五人喺李漢奸寓所外拉起巨型橫額，橫額以簡體字印住「漢奸嘴角，暴露無遺，亂港大漢奸，×棍李柱銘」，期間又高呼「漢奸走狗李柱銘，滾出香港，美國走狗賣國賊」等口號，要求包括李漢奸在內嘅「四大毒人幫」滾出香港，咁就會天下太平喎。

其實多次被中央點名批評嘅「禍港四人幫」，成員有漢奸黎、李漢奸、民主阿婆同埋白鴿黨前主席「AV仁」何俊仁，狠斥四人賣港投美，官媒亦力數佢哋嘅惡行。至於今次示威者所指嘅「四大毒人幫」，成員有三人同「禍港四人幫」一樣，唯一唔同嘅就係曾經捲入收受漢奸黎秘密捐款，並且「袋住先」長達九個月嘅立法會前議員李卓人代替咗AV仁。

邀外國干預港務 黎智英等人捱轟

呢啲四人幫嘅成員過去多次走去外國唱衰香港，議題都係同反修例有關，又不斷促請外國關注香港情況，被各界怒轟邀外國干預香港事務。現時示威者暴力升級，情況一次比一次混亂，受影響嘅普通市民愈嚟愈多，唔知係咪嫌香港仲未夠衰，呢啲四人幫毫不收斂，過去繼續密會攪局同參加遊行示威，局勢變得愈嚟愈亂，因而激起民憤，導致愈嚟愈多市民踩場去佢哋嘅寓所示威，抗議佢哋嘅惡行。