的士撞飛牛牛 網民：盲就唔好揸車
【本報訊】大嶼山有不少流浪牛，過往亦不時發生車輛撞傷或撞死牛事件。近日有車Cam就直擊到一架大嶼山的士在路上將牛牛撞飛，雖然牛牛事後能自行爬起，卻未知是否已身受重傷。而涉事司機事後亦呆立現場，為損毀的的士而頭痛。
撞上擋風玻璃再倒地
現場是大嶼山嶼南道，據車Cam資料顯示事發於前日（23日）傍晚約七時半。據片段所見，當時交通暢順，車流不多，而一架大嶼山的士一直前行，突然一隻成年牛牛從左邊跑出橫過馬路，的士收掣不及，牛牛被撞上擋風玻璃後，再倒在地上，事後牛牛掙扎爬起，緩緩走回行人路，更一度盯着的士。至於的士司機事後亦步出車廂，一臉無奈望着被撞擊至車冚摺起的的士。
雖然的士要為維修而煩惱，不過卻得不到網民同情。「的士×真係盲嘅，一定掛住睇電話。撞完落車唔係去睇吓撞到嘅動物有冇事，係睇自己車，冇人性！」「告呢啲盲人啦」、「盲就唔好揸車」，亦有人為牛牛擔心，「牛牛一定好痛」、「隻牛好慘」，「希望牛牛冇事」。