政情：公民講場：全城清潔難敵鼠患 劉利群冇計有排煩

香港嘅鼠患問題不斷出現，正當政府日前宣布決定延長全城清潔工作三個月至十一月中旬，翌日就爆出有人感染大鼠戊型肝炎，患者住喺葵興邨，食環署尋日就即刻派人到葵興邨內巡查，建議物業管理公司將屋邨嘅垃圾房門罅封住，以及用石屎封咗啲空置花槽，等啲老鼠「冇碇企」咁話喎。有指邨內嘅鼠患問題已較數年前改善，但每個禮拜仍捉到一兩隻老鼠，即係仲有鼠患問題啦！睇嚟食環署署長劉利群都要諗吓啲有用嘅滅鼠方法至得，唔通要全城清潔工作無限期延長咩！