鼠患肆虐，黃大仙區議會討論喺區內屋邨嘅水渠外安裝老鼠擋的情況，房屋署嘅代表話已喺區內屋邨水渠安裝二千多個老鼠擋，仲計劃遲啲再裝多啲，但就畀唔少區議員質疑老鼠擋數目多唔代表成效高，要求房屋署盡快改良舊式老鼠擋。點解運房局常任秘書長兼房屋署署長應耀康咁墨守成規呢？明明知道啲老鼠聰明咗好多，舊嘅設施已經唔啱用，但點都唔肯改，究竟係為咗面子唔衰得抑或係唔想做多一步呀？
