愈來愈多女仔鍾意打機，而佢哋嘅打機技巧亦愈嚟愈勁，甚至參加電競比賽，實行話畀大家知道佢哋唔會輸畀男仔。同打機有莫大淵源嘅美少女五木晶打機叻唔叻就唔知，但係佢絕對係一眾機迷嘅女神！
近年日本寫真界出現咗好多可愛美少女，而佢哋轉型為寫真女郎之前，其實已經素有名氣，因為佢哋扮嘢功夫一流，以Cosplayer身份出席各個動漫活動成功打響名堂，好似桃月梨子同霜月明愛咁，但係講到喺Cosplayer界嘅名氣，佢哋就絕對唔及五木晶喇。
今年24歲嘅五木晶五官標致，散發出濃濃萌系感覺嘅稚嫩童顏，認真惹人憐愛！提到嫩口，五木晶全身都係鮮嫩白滑嘅肌膚，身材骨肉勻稱，四肢同腰肢纖巧，但係上圍卻擁有一對D奶，分量十足，再經Push Up Bra托一托，營造出逼爆效果，當然淨係欣賞晶妹嬌俏嘅面孔，已經令男士們感到非常開心又滿足，特別係眾多鍾意動畫、電子遊戲嘅男士。
提到日本嘅動畫、電子遊戲愛好者，相信佢哋對五木晶絕對唔會陌生，因為喺2008年晶妹已經投身Cosplayer行列，由於樣子可愛，加上經過精心設計嘅裝扮夠精緻奪目，人氣亦漸漸躍升，後來更加成為好多動漫、電玩活動嘅指定表演者。
除咗Cosplay界，五木晶嘅發展範圍亦涉足寫真界、歌唱界以及模特兒界，最近更集中喺電玩界發展。近年手機遊戲大行其道，五木晶多次被邀擔任遊戲嘅代言女郎，至於喺電競界一樣可以見到佢嘅身影，好似近日喺內地西安舉辦嘅世界電競大賽，阿妹就有份登場扮演各種遊戲角色，足見前途無可限量。
簡介：五木晶經常會出現各大動漫、電玩活動以及攝影會，想知道佢最近又有咩突出表現，可以多啲留意佢喺社交網發表嘅新消息。
網址：https://twitter.com/itsuki_akira?lang=ja
年齡：24歲
身高：5呎1吋
三圍：31D-23-33
撰文：賢