中環出更：黎智英李柱銘 被罵漢奸片曝光
修訂《逃犯條例》嘅風波持續，社會氣氛、警民關係日益緊張，近日網上流傳兩段短片，其中一段短片係翻壹傳媒黎智英（漢奸黎）舊帳，指黎到美國唱衰香港，又支持港獨分子，指黎係漢奸，而另一短片則拍下外號「李漢奸」嘅民主黨創黨主席李柱銘，被途人指罵係漢奸、走狗。
近日網上流傳嘅短片，指黎智英係二○一四年違法佔領行動（佔中）嘅幕後黑手，背後亦得到美國支持，而香港近日爆發修例風波，黎智英竟走到美國，並獲得美國政府高層會見，而佢又繼續唱衰香港，又指黎更喺近期嘅反修例行動中，公然支持港獨分子，指黎係漢奸。
李頭耷耷冇回應
其實，同黎智英同屬「搞事四人幫」嘅李柱銘，日前喺街頭被罵嘅短片亦曝光。該段歷時一分鐘嘅短片，見到李柱銘當日喺灣仔警察總部對出過馬路時，佢企喺安全島等候過馬路，旁邊嘅途人發現後便開始不斷指罵「漢奸李柱銘」、「大漢奸」、「走狗」，期間亦有人走到安全島上指罵李，惟李全程「頭耷耷」冇回應，直至交通燈轉為綠燈，佢就急步離開。
卓妮