政情：在囚邵家臻糖尿上眼排期打第四針

每日做運動 曬黑兼瘦咗

佢又講起喺獄中體重下降嘅事，佢話，依家每朝十一點半至晏晝十二點半都會暴曬，做甩手操同行圈嘅簡單運動，個人仲因為咁曬到黑咗同瘦咗，體重跌咗落去八十公斤，又稱會喺獄中繼續努力工作，希望大家支持。

邵身體一向有毛病，唔止患有濕疹，仲有糖尿病，嚴重至糖尿上眼，需要打醫治嘅針藥控制病情。佢在囚期間，發現其中一條心臟血管塞咗逾九成，需要喺伊利沙伯醫院心臟中心做「通波仔」手術，喺血管中安裝兩個支架。