政情：公民講場：空氣質素繼續差 黃錦星再受靶

香港嘅空氣質素係咪有改善？環境保護署公布香港嘅空氣污染排放量，一七年較一六年減低，但有環保團體批評相關嘅減幅仍然同世衞標準相差好遠，反映路邊空氣污染仍存在問題，直指政府應該進一步收緊排放標準，以及要控制車輛嘅數目。老實講，環境局局長黃錦星成日掛喺口邊話要減低污染排放量，但進展實在太緩慢，擺明係辦事不力喇！黃錦星應該諗下仲有乜嘢方法加快可減低污染排放量，否則市民繼續喺路邊吸廢氣，唔鬧爆先奇。