政情：公民講場：懶理長者貧童生活難 羅致光只顧放假去玩

本港現時有超過二十三萬名兒童生活喺貧窮家庭，有非牟利機構調查發現，大部分基層兒童家庭都冇能力負擔小朋友參加補習班同興趣班嘅開支，批評政府嘅扶貧措施根本唔足夠去解決佢哋學習上嘅基本需要。勞工及福利局局長羅致光喺長者福利政策方面已多次捱轟，包括收緊申領長者綜援合資格年齡，又更新安老服務統一評估機制，令長者只能喺輪候政府資助安老院舍同社區照顧服務之間「二揀一」，羅已被冠上對長者涼薄嘅罪名，依家又再被質疑對貧困兒童家庭扶助不足，真係社福政策冇瓣掂，難為佢仲頻頻休假。唔通佢嘅心思淨係用嚟諗自己放大假去邊度玩？