【本報訊】專家懷疑狂徒仇警欲挑戰警方，半日兩擲汽油彈燒警車警署冀造成社會震動。城大犯罪心理學家黎定基分析指出，兩宗案件明顯有關連，很明顯狂徒出於憤怒、有仇警情緒，可能與某些警員有恩怨，又可能曾被警方拘捕，認為受到不公平對待等而犯案，惟確實原因仍有待警方進一步調查。但他認為狂徒在十二個小時內，接連向警車及警署擲汽油彈縱火，絕對是挑戰及反抗警方。
在擲汽油彈燒警車的案件中，狂徒把車牌遮蓋及在警察總部附近等待時機，黎認為是有預謀去犯案，他解釋：「基本上任何一架警車經過，佢都會掟（汽油彈）」，因此不似針對某個人，而是有計劃性犯罪，有計劃性挑戰整個警隊。至於相距十二個小時，狂徒在光天化日下犯案，黎估計：「佢係想挑戰權威，可能覺得之前嗰次嘅效果唔係咁特別，想加強個效果，引起社會有大反應同震動，所以再出嚟犯案，但佢又驚畀人捉到，所以特登揀跑馬地警署落手，因為嗰度僻靜啲，警力可能少啲，佢覺得喺嗰度犯案之後可以走得甩，無咁易畀人捉到，所以佢唔會揀旺角警署呢啲多人嘅地方落手」。
另外，黎又相信：「其實佢（狂徒）都預咗畀人捉到，所以會特別小心啲，希望唔好咁快畀人捉，就好似貓捉老鼠咁。」他續稱，由於警署及附近街道上有多部閉路電視錄影，可以追蹤懷疑涉事的車輛，所以警方很快便能夠鎖定疑犯身份。