政情：今日你上鏡：長者探訪 莊偉茵出題考婆婆

其實老人家都好精靈o架，好似中電企業發展總裁莊偉茵（Quince，右二）日前出席一個活動時出題考婆婆，婆婆都冇畀佢考起，之後佢仲同啲長者一齊做心心手勢添！其實Quince當日係同班義工一齊去探訪長者，事關近年認知障礙症患者不斷上升，班義工就透過遊戲同練習，令長者專注力、記憶力等方面嘅退化減緩，Quince同班長者玩到好投入，仲好興奮添！Quince話，義工每個月都會去探班長者，大家都老友鬼鬼，仲幫到社工掌握長者嘅情況，好有意義咁話。