中環出更：玩過界演英語粵劇 「小明」做小兵

李家仁話，嗰次做英語粵劇，雖只係扮一名小兵，但係演出前化妝都要化一小時，穿上戲服又花廿分鐘，加上鼻敏感發作，真係覺得舞台工作又緊張又繁重。佢又話，自己年少時唔識貨，要大人用零食引誘才肯步入戲棚，後來多次踏上舞台參與粵劇演出，就體會到粵劇文化博大精深，相較之下，唱兒歌就容易得多。佢仲講起，今次晚會嘅其中一名演出者，係佢以前嘅一位小病人，所以特別抽時間嚟捧場。

孫燕華（左）陪孫蔡吐媚（右）一齊出席粵劇晚會。（徐家浩攝）

公開大學校董會主席黃奕鑑（左）話當晚聚集各界友好，真係好難得，旁係黃奕鑑太太。

黃玉山授課不忘提倡中國文化

好多文化教育同政商界名人都有出席當晚粵劇晚會，包括香港工商總會主席王庭聰及公開大學校長黃玉山。黃玉山話教學工作要授課之餘，都要提倡一下中國文化，恰好校董會有成員係粵劇愛好者，於是就以粵劇晚會作為校慶嘅其中一項活動，雖則粵劇故事來來去去都係依中國傳統故事改編而成，但今次粵劇晚會就係糅合現代元素嚟演繹中國古典小說《紅樓夢》內嘅經典曲目，包保觀眾耳目一新喎。

轉個頭又見到孫少文基金會主席孫燕華及佢媽咪、仁濟醫院副主席孫蔡吐媚，二人一樣鍾情於粵劇。孫燕華話，中國戲曲故事蘊含孝道情義等傳統價值，無論邊個年齡層嘅觀眾都可以從中得到共鳴咁話。

卓妮