政情：公民講場：羅致光諗縮數 剝削長者最叻

社會福利署將於年底完成更新安老服務統一評估機制，將來喺新機制下，接受咗評估嘅長者就唔可以同時輪候政府資助院舍及社區照顧服務，或有別於現時機制下，長者可以有雙重選擇。有關注團體同立法會議員就質疑，政府更新機制只係為咗「做靚盤數」，減少院舍輪候人數，縮短輪候冊，亦有批評當局只係玩數字遊戲。勞工及福利局局長羅致光唔係第一次被質疑（口架）喇，之前當局將申領長者綜援合資格年齡由原本嘅六十歲提升至六十五歲，佢已經被人鬧爆，斥責佢對長者「涼薄」。羅嘅IQ高達160，可以話冠絕政界，不過似乎佢嘅IQ係用喺點樣計縮數，而非幫政府諗計推行人人稱讚嘅社福政策囉。