政情：今日你上鏡：告別白內障 黃碧雲戴黑超開會

一舊雲：做手術係驚嚇經驗

一舊雲話，之前其右眼一次過接受咗兩項手術，今次就到左眼。佢戴黑超係因為左眼剛完成白內障手術，係同上次手術冇關。而開會當日，佢其實先啱啱出院，所以要戴住太陽眼鏡避免隻眼被強光照射。點解啱啱做完手術都仲開會呢？佢就話因為咁啱出院路途要經金鐘轉車，當日會議議程又重要，所以就選擇中途返立法會開會咁話。

雖然今次並非一舊雲首次接受眼科手術，但佢依然話有另類體驗，事關上次係要全身麻醉，今次就只作局部麻醉，手術過程完全清醒，雖然唔痛，但仍然有感覺，笑言係一個驚嚇經驗喎。