政情：袁莎妮凍齡有術 網友話30年冇變樣

Shirley喺貼文話，佢喺收拾時見到呢張相，勾起佢嘅回憶，而呢張相係佢一九八八年簽收獎學金、獲全費資助到牛津大學修讀學士課程時影，當時佢要承諾學成後回港工作，貢獻社會。

有最好嘅教育係媽媽所賜

佢又提到，雖然牛津大學係佢生命一個轉捩點，但更重要嘅係好彩喺佢年幼時，媽媽好執着一定要佢哋考入好嘅小學，仲不惜一切咁要佢入讀嘉諾撒聖心書院，得到最好嘅教育，令佢人生走嘅路從此唔一樣嘞！佢仲話，咪睇媽媽有時直腸直肚，有時婆婆媽媽，但其實係小事糊塗，大事精明，每到重要關頭都能夠發揮小宇宙，而佢有今日，都係媽媽所賜喇。