非洲豬瘟喺內地肆虐，最近「殺」到嚟香港，講緊嘅係上水屠房驗出本港首宗非洲豬瘟，政府就決定殺晒六千隻豬，豬農同豬肉檔主今次真係大受影響。食物及衞生局局長陳肇始去年底視察毛公仔豬瘟演習時曾經話過，如本港出現非洲豬瘟，會將影響減至最低，但尋日就話非洲豬瘟病毒頑強，希望病毒唔好擴散到其他豬場，所以要盡快清洗兼殺豬。原來陳所講嘅盡量減低影響，就係「有殺錯、冇放過」，難怪業界嬲爆，批評政府做法唔合理同唔科學，仲話唔排除提出司法覆核添！
