政情:今日你上鏡:感冒病情反覆 周雪煲生薑茶飲即康復

乍暖還寒嘅春夏之交,好多人感冒咳嗽極難斷尾,真係令人好頭痛。做時裝生意、有「歐洲時裝女王」之稱嘅周雪(Eva)亦都係咁,睇咗幾次西醫同中醫都唔得,病情反反覆覆,後來佢諗起細個喺杭州時,如果有感冒發燒,屋企人就會煲生薑茶飲,之後瞓覺出身汗就會好番,所以佢就每日煮一大煲生薑茶飲,果真見效。佢笑笑口話,嚟咗香港之後,身體好似矜貴咗,郁親就搵醫生,其實呢啲古方都好掂喎。