政情：食物標籤要詳細列明 陳岳成：尊重消費者

有生產商用豬扮牛肉

從事牛丸製造嘅陳岳成話，六年前歐洲一間餐廳出售嘅食品標籤只有牛肉同豬肉嘅肉丸，被揭發含其他肉類成分，事件震驚歐洲，亦令到有超市買手採集幾個唔同品牌嘅牛丸樣本去化驗，結果大多數樣本嘅成分竟然係百分百嘅豬肉。陳相信係有生產商為求價格優勢，以豬代牛，以減省成本。

陳又話，其實只要添加牛肉香精，以豬肉製造嘅「牛丸」味道就連城中知名食家都無法分辨。

姑勿論牛肉香精呢種添加劑對身體健康有冇影響，但陳認為至少食物標籤要詳細啲，唔止列明各種成分，亦應該加入各種原材料嘅比例，令到消費者知道購買嘅食材係咪純正，從而作出選擇。