香港人出名工時長，唔少打工仔每個星期平均都工作超過五十小時，搞到好多人冇辦法兼顧工作同家庭，可惜政府遲遲唔肯就標準工時立法。勞顧會成員、扶貧委員會委員鄧家彪尋日就炮轟政府對標準工時有好大「心魔」，話擔心立法可能會唔夠勞動人口，到時就要輸入外勞。但家庭友善政策明明係由政府提出，可惜政府偏偏由得打工仔一直做餐死。其實勞工及福利局局長羅致光都唔係第一次畀人話涼薄、離地，如果佢唔試圖擺脫「心魔」，睇怕佢推出嘅福利政策都好難被人認同喇！
