我有正能量：以畫會友 互相激勵進步
都市寫生（urban sketching）是近年日漸流行的藝術活動，一般可理解作以速寫的手法，在都市某個角落進行畫畫的行為。參加者在活動中隨意選定一個景色繪畫，數小時後分享彼此的完成品，交流創作的樂趣，實行以畫會友。
很多人會覺得畫畫很「獨」，彭啤則認為一個人和一班人畫畫，可以有不同的樂趣：「自己一個人坐足幾個鐘，當然可以專注享受眼前景色。一班人畫畫大家有講有笑，係另一種開心嘅氣氛，而且可以喺交流中觀摩畫友們嘅畫風，喺激勵之中互相進步。」
外籍老師繪涼亭 「愈平凡愈有味道」
如他所說，寫生團的參加者畫風各有特色，有的細緻柔和，亦有豪邁奔放。Josie是一名英文老師，是活動中唯一外籍面孔，正當人人選畫廟宇、漁船等特色景物時，她反而畫起公園內一座毫不起眼的涼亭，她有點腼腆地說：「靚嘅景色可以喺網上或者旅遊書見到，愈係平凡嘅嘢反而愈有味道，我覺得簡單嘅嘢都可以好靚。」