政情：公民講場：專科門診愈排愈長 陳肇始搞極唔掂

公立醫院專科門診輪候時間愈嚟愈長，其中九龍東聯網係重災區，眼科新症需要等三年先有得診治，而其他聯網排期亦比以前長咗，於是醫管局推行「青光眼治療協作計劃」，病人可以喺私家診所覆診嘅同時，只係需要畀公院嘅專科門診收費，每個病人有四次資助。其實唔單止眼科，內科同外科都排得好長，呢個計劃都只係止咳，歸根究柢都係醫生荒，但食物及衞生局局長陳肇始搞極都唔掂，令病人繼續受苦。