政情：入酒店要除鞋 陳曾麗娜體驗奇趣怪
名媛陳曾麗娜（Sally）經常同老公陳家樹拍拖外遊，體驗世界嘅奇趣怪。最近佢哋去咗香港人玩到熟透嘅日本東京，估唔到依然有驚喜。事關佢哋住喺一間位於金融區嘅溫泉酒店，一入到去所有人就要除鞋，而且如果唔係住客就唔畀入，加上低密度設計及和式服務，難怪Sally形容係鬧市中嘅綠洲。
大讚酒店娛樂設施
Sally話嗰間酒店入屋除鞋嘅規矩認真特別，不過除鞋處嘅鞋櫃都夠晒特別，因為係用竹編織而成，仲有着晒和服嘅服務員好殷勤咁跪地服務。間酒店房唔多，每層只有六間房，所以佢入住期間幾乎都望唔到有其他人。
佢一向識歎，對每層都有一間廿四小時開放嘅休息室都讚不絕口，因為入邊除咗基本嘅茶、奶同咖啡等飲品，連咖喱飯都有，仲有清酒畀人客試飲。加上有露天溫泉同埋表演節目，幾乎唔使出街玩嘞！