相隔咗成年，關愛共享計劃派四千蚊先接受申請，尋日正式截止，唔少市民趕搭尾班車去交表，仲鬧爆政府手腳慢，睇怕要搞到今年年底先收到錢。老實講，計劃喺二月開始接受申請已經倒瀉籮蟹，唔夠表格不特止，好多市民收到確認短訊，叫市民不妨交多次表，跟住又延長申請日期，之後又傳出處理人手唔夠，亂象頻生，政府仲話急市民所急，睇吓財經事務及庫務局局長劉怡翔做嘢咁冇效率，搵鬼信咩！
