【本報訊】倘若視覺神經斷開，醫生指無得駁恐會失明。眼科專科醫生李佑榮表示，若眼球脫離眼眶，僅靠皮肉相連，不排除視覺神經已經斷掉，惟若視覺神經一旦斷開，便無法駁回恐會失明，形容：「成條視覺神經，計埋入腦，長度約五十毫米，但佢係唔柔軟，亦都無乜伸延性，所以好容易斷，而如果血管、神經線都斷晒，影響供血情況，即使眼球塞番落去，都係會萎縮。」
李醫生續指，若視網膜中央動脈及靜脈等眼部血管斷開，同樣是無法駁回，「如果呢幾個重要組織斷咗，即使放番隻眼入去，縫番好啲肌肉同韌帶，（傷者）都係睇唔到。」若只是眼部肌肉斷開，而視覺神經完好，雖然不致失明，但眼球或會「郁唔到」，甚至會出現嚴重複視。但他認為此機會出現的可能性較低，因為肌肉的伸延性比神經線強，神經線會較肌肉容易斷。他又提到，傷者日後可安裝假眼球改善外觀，但不會對恢復視力有任何幫助。
至於遇到同類意外可以如何處理？李醫生稱可以用蒸餾水沾濕醫藥紗布或乾淨毛巾，保護好眼球，避免眼球再向下跌之餘，亦要保持濕潤，指出「唔好畀佢乾，因為眼球乾得滯都係唔掂」。
另外，精神科專科醫生丁錫全指出，中度智障人士其實與一般人無異，只是智力較正常人低，能夠與人正常和平相處，理應不會無故出現暴力情況，懷疑出手傷人的三妹，可能患上認知障礙症或精神病。丁醫生解釋，智障人士在四十歲之後，或會患上腦退化症，除了會記憶力衰退，或會失去自理能力，情況嚴重者行為會出現「反常」，包括疑神疑鬼、有妄想及幻聽，或會因此有暴力行為。他呼籲家人若發現智障人士脾氣變壞、記憶力變差等，便要加倍留神，並盡快尋求專業人士的意見及協助。