立法會審議修訂逃犯條例嘅草案委員會早前首次開會，因泛民拉布搞到開咗兩個鐘會議都唔能夠選到主席。委員會喺下周二再開會，而泛民議員鄭松泰又出招，尋日就去信要求參選正副主席嘅議員詳細交代其立場、個人利益，同埋個人任何業務有冇牽涉任何利益衝突或可能出現利益衝突嘅情況。咁又係變相拉布，拖住個委員會唔可以開展審議條文，想拖垮修例，睇嚟建制派要諗計剪布，確保謝偉俊同陳振英盡快坐上正副主席張櫈嘞！
