政情：葉永成童軍Look 街坊無緣一見

同地區工作完全分開

點解見唔到佢呢身打扮呢？佢話自己大部分時間參加位於離島區嘅童軍旅團，距離其選區有好遠，所以深信佢嘅選民都未見過佢呢身造型。佢又話現時參與童軍係義務工作，一心希望培訓小朋友發展，所以唔能夠着起童軍制服落選區，要將地區工作同童軍完全分開。

葉永成仲話當年兩個仔都有一齊玩，其中一個仲拎咗幼童軍中最高獎章添，不過當年佢就交咗兩個兒子畀其他導師，否則訓練唔到獨立。至於香港總監吳亞明當年就同兩個細佬一齊玩童軍，佢認為喺童軍所學嘅技能相當有用，現為退休紀律部隊人員嘅佢就直言，制服團隊經驗對投考紀律部隊好有幫助。