設施管理主管輝哥巡視工地時，看見準備清潔行人通道的鵬仔，遂走向他的工作位置。輝哥問：「鵬仔，你手上面嗰桶係咩嚟？」鵬仔回答：「漂白水囉，頭先洗洗吓地板發現唔夠用，所以咪去泳池儲物室嗰邊拎啲用囉，我一陣會戴番對手套先進行稀釋，放心喎！」
輝哥驚問：「嗰桶好似唔係漂白水喎？個桶上面有無標籤呀？」鵬仔疑惑道：「咦！個標籤寫住鹽酸喎，個桶又會咁似嘅……」
輝哥說：「好彩問一問你啫，漂白水屬鹼性，鹽酸屬酸性，如果不慎將兩者混合，就會引發化學反應，產生有毒的氯氣。倘兩者濃度太高，而你又沒做特別的保護措施，吸入那些有毒氯氣就會傷害呼吸系統及刺激皮膚和眼睛，引致痛楚，後果不堪設想！」鵬仔驚訝問：「有無咁誇張呀？」
輝哥解釋：「你唔知早前就有宗新聞，有個救生員清潔泳池期間，誤將鹽酸混合漂白水，產生化學反應釋放異味引致頭痛，而附近的人亦出現頭暈惡心的情況，搞到要送院治理。我最近喺職安局上了一個『指差呼稱』課程，教導我們透過『指差呼稱』此程序，加強員工的警覺性及提高行動的準確性，減少因人為疏忽、錯誤或誤會而引致意外。」
輝哥又說：「所以你一陣返去拎漂白水同處理稀釋前時，記得要望住同指住你想拎嗰桶漂白水上面的標籤，大聲講『確定係漂白水OK』，再三確認後先好開工！」鵬仔說：「但係大庭廣眾咁做，好唔襯我個潮人形象囉。」輝哥道：「唔使覺得尷尬喎，我一陣同你一齊做！年輕人，貪生怕死先係MAN呀！」
職業安全健康局
www.oshc.org.hk