香港嘅公廁之所以臭出國際，皆因政府部門冇協調。食環署署長劉利群尋日就話最近已與建築署、機電工程署會面就翻新設計商討，初步有共識嘞，該署亦將會以工作坊模式收集各持份者對翻新設計嘅意見，包括專業人士、設計師、學者、用家同現職清潔工。部門撥亂反正，遲到好過冇到，雖則聽民意亦係啱嘅，但搞工作坊就令人質疑意見咁多，好難傾得埋欄，最終令公廁翻新工程愈拖愈耐，咁咪捉蟲囉！
