政情：建制唔齊心 大埔區會選主席現白票

大埔區議會有廿一名區議員，六人為民主派，十五人為建制派。據了解，報稱獨立嘅李耀斌同黃碧嬌不和，本來有意角逐主席同黃一爭高下，但基於未能獲得建制派大力支持最後冇出選。

副主席亦將補選

會議開始時，就係咪安排兩名候選人接受其他議員質詢進行表決，當時李耀斌公開投下棄權票，冇跟隨建制大隊反對建議，故相信唯一白票出自其手。會後問到投票意向時，李稱不便透露。

黃碧嬌升呢做主席，其副主席一職亦將安排補選。據悉，建制派擬推舉大元區議員鄭俊平出任，民主派暫定由舊墟及太湖區議員劉勇威出戰。