不時都爆出有導遊強迫旅客消費嘅事件，天文台前台長林超英尋日又爆一單，佢嘅內地朋友參加訪港旅行團時，導遊強迫旅客必須最少花費三千港元，佢朋友唔肯，於是扣起身份證索取贖款，就連旅遊發展局同旅遊業議會都幫唔到手，佢仲形容「香港旅遊業墮落到令人震驚的地步」。黑導遊禁之不絕，擺明係商務及經濟發展局局長邱騰華懶理，打擊不力喇！佢繼續扮睇唔到，聽唔到嘅話，黑導遊只會愈嚟愈猖狂。
