政情：顧東華同囝囝祭祖培養故鄉情懷

寧波跑半馬 聯繫鄉情

顧東華話老一輩嘅人都有一種不可忘根嘅觀念，會設法為故鄉貢獻一分棉力而不問鄉間孰貧孰富，但認同香港年輕一代對故鄉感情淡薄，所以佢覺得身為家長，有責任培育仔女嘅故鄉情懷，而佢亦會盡量搵機會同囝囝返去寧波認識一下，而佢清明節回鄉祭祖，就係佢同下一代慎終追遠嘅最佳日子。

不過，今年回鄉拜山就要等到月中先至出發，因為佢要等埋寧波鎮海區國際半程馬拉松舉行之後先有時間，佢話呢個長跑賽事由首次舉辦至今，年年佢都有參與，係一項上佳嘅聯繫鄉情嘅活動喎。