職場健康：激發正能量 排解職場壓力

小剛問：「小柔，發生咩事呀？最近見你好似心情悶悶不樂咁。」小柔答：「係呀，最近有個重要計劃要跟進，好忙好大壓力呢。」小剛回應：「嘩，咁你有無試過用唔同方法去增強自己嘅抗壓能力呢？」小柔說：「有咩方法呢？」小剛答：「你真係問啱人，我啱啱睇完一份相關報道，應該可以答到你。」

均衡飲食運動抗壓

小剛續說：「其實要增加自己抗壓能力有不同方法，例如：你要保持基本身心健康，均衡飲食，充足睡眠同適量運動。因為壓力會造成情緒困擾，情緒困擾鬱結會導致身心健康受損。因此，我哋要面對負面情緒，通過傾訴，抒發同化解負面情緒，繼而激發正面情緒，令自己更有力量戰勝壓力。我哋要以樂觀積極態度睇自己嘅遭遇，如『半杯水』道理一樣，要多看有的一半，不要只看無的一半，通過正向思維看壓力，鼓起勇氣面對挑戰，心境便會變得海闊天空。建議每日可以抽一啲時間做鬆弛練習同深度呼吸，並且用肌肉鬆弛法和意象鬆弛法，放鬆自己。」

向人傾訴 發揮互助

小剛說：「當然，如果面對壓力，可以揾適當嘅人諮詢意見或求助，大家發揮互相幫助精神。所以，你放心，我實會支持你！」小柔說：「小剛，多謝你，你嘅支持我收到，我依家充滿力量去面對挑戰啦。」

職業安全健康局

www.oshc.org.hk