偷拍女客裙底 港鐵淫狼就擒
【本報訊】昨晨八時許在東鐵線北行一列車內，有乘客發現一名「光頭佬」手機疑偷拍一名穿短裙的四十四歲女乘客裙底春光，立即喝止，同時通知車長及報警求助。期間，兩名男乘客見狀上前將「光頭佬」按地制服。
目擊者指，疑犯不斷掙扎反抗，乘客向其警告：「唔好反抗呀，唔好郁，我哋報咗警你唔使驚！」期間，對方仍大嗌：「冇呀！」乘客即質問：「冇就唔使驚啦，冇咪畀人睇（手機）囉！」當列車駛至大圍站，港鐵職員進入事發車廂了解，並將涉案男子帶到月台。期間，「光頭佬」企圖突圍逃走，惟最終被職員合力制服。警方接報到場，經初步調查後，以涉嫌「破壞公眾體統」將姓馬（五十九歲）男子拘捕帶署扣查。