政情：公民講場：陳肇始龜速抗疫 麻疹爆發港勢危

麻疹個案爆不停，連醫護人員都中招，搞到人心惶惶，搞成咁，都係因為食物及衞生局局長陳肇始抗疫不力。老實講，麻疹最早喺機場爆發，當局後知後覺，隔咗幾日先去幫機場員工打疫苗，點知一早派晒籌，其實係冇人、冇疫苗，仲大大聲話唔係疫苗短缺。之後又話先驗血睇吓有冇抗體，冇抗體先打，咁擺明就係講大話，就因為陳肇始抗疫懶懶閒，先搞到麻疹擴散，冇得抵賴。