早幾年電影界出現一股西遊熱潮，睇到大家嘅精神逗留喺取西經之旅仲未返到現實。最近呢股熱潮吹到去日本，更吸引到男士們嘅興趣，因為有片山萌美呢位極品巨乳美人演出呀！
雖然話天生我才必有用，但係小弟一直都好痛恨自己生得一副五短身材，原因並唔係因為喺踢波、打籃球嘅時候唔能夠取得身高優勢制勝，而係生得咁矮，真係襯唔起我嘅夢中女神，佢係邊個？咪就係有成5呎7吋高嘅片山萌美囉！
28歲嘅萌美風韻迷人卻不失甜美感覺，一顰一笑都深具攝人神魂魅力，實在太吸引喇！而阿妹嘅胴體一樣咁惹人注目，除咗生得高挑，同時形如葫蘆般上下豐滿而腰肢纖幼，極具曲線美，而且上圍飽滿嘅G奶軟彈適中又分量十足，呢副胴體簡直就係上天嘅傑作呀！
萌美喺2012年因參加日本小姐選美而為人熟悉，雖然最後只獲得「自然獎」，但係阿妹又靚女又好波，火速成為寫真界嘅寵兒。提到寫真演出，萌美身材如此驕人，真係點拍都咁誘人，而且佢一啲都唔錫身，演出愈來愈性感，甚至唔介意全裸演出。雖然萌美三點盡露，但係形象依然保持健康，繼續喺影視圈發展如意，上年就有份參與演出電影《小偷家族》喇。
對於演戲，萌美可以話興趣十足，亦好鍾意大玩變裝演出，好似上次為手遊《三國天武》拍廣告，佢就變身成為性感貂嬋，近日佢喺舞台劇《西遊記 千變萬化》中更扮演女版唐三藏，睇嚟萌美真係變裝變上癮喎！
簡介： 片山萌美近期忙於舞台劇演出，如果大家想知道佢演出嘅舞台劇幾時上演，可以Click上佢嘅社交網睇睇。
網址： https://twitter.com/neichiamo
年齡：28歲
身高：5呎7吋
三圍：36G-24-35
撰文：賢