政情：許曉暉細佬許正宇 重踏政途

曾被傳獲薦任副局長

建制派政黨民建聯尋日改選中委會同監委會，選舉結果顯示，有六名新中委，包括咗許正宇同兩名屯門區議員葉文斌同巫成鋒。許正宇畢業於英國牛津大學哲學、政治及經濟（PPE）榮譽學士同碩士，曾經做過政務官，擔任前經濟發展及勞工局助理秘書長同駐京辦政務主任等，喺二○一二年則被傳獲推薦任副局長，但最終不見其影。

其實，許正宇早喺○八年已加入該黨，但唔算活躍分子，亦甚少參與黨務，今次當選中委，進身黨核心，日後肯定要參與更多嘅黨務同決策，至於未來會否更上層樓，大家就要拭目以待嘞！

至於監委會改選方面，就新增咗兩名監委，當中包括立法會前議員蔡素玉，而蔡素玉上屆出任中委。