尋日踏入新泳季嘅首日，竟然有六個泳池因為救生員不足而暫停開放，有工會直言要喺游泳高峰期前聘請足夠救生員係「無可能」，預計未來會有更多泳池設施需要關閉，而公眾泳灘人手短缺情況更嚴峻。老實講，救生員長期短缺唔係今日先爆出嚟嘅問題，康文署署長李美嫦之前亦講過一啲解決方法，但係搞極都搞唔掂，呢啲文康設施得個睇字、冇得用，簡直就係浪費，市民梗係鬧爆喇！
