政情：今日你上鏡：阿茂新搞作 踩單車磨咖啡粉

大嘆一分耕耘一分收穫

話說陳茂波尋日出席活動，之後佢就周圍睇吓啲攤檔，當佢見到一部外形似單車嘅「咖啡研磨車」後，就即刻坐上去試玩。原來只要坐上呢架車再踩腳踏，踩踩吓就會將咖啡豆磨成粉。

陳茂波話，架車踩起上嚟並唔辛苦，但如果座位可以放後啲，踩起上嚟就更加順，佢仲話屋企擺番部咁嘅機都好喎。佢之後都有品嘗一杯即磨咖啡。雖然呢部機以踩單車為噱頭，但陳試飲後都話啲咖啡好飲，而且仲好香添。睇嚟佢都幾滿意噃。