家屬轟獲救休班警「害死好多人」
【本報訊】死者邱少明本是家中幼子，當中其遺孀、三名胞姊及一名胞兄昨獲安排近親席旁聽，死者岳母等其他親友則坐於公眾席。死者家屬一方並無委聘法律代表應訊，在研訊期間情緒激動，庭內庭外輪流向獲救休班警溫祖榮炮轟，指摘他「害死好多人」，在溫作供前，已大罵溫：「去死啦你」，在溫作供完畢後，死者岳母等親屬更攔阻溫離開法院，面斥溫：「影衰差佬」。溫承認高估自己能力，並一再向死者家屬道歉。
溫昨庭上憶述事發經過後，死者遺孀劉靜瑜先質問他，為何發現行錯路後不盡快折返？溫強調現場地勢陡峭，令他「落就落到，上就上唔返」，他又自言「唔想報警麻煩人」，故決定先嘗試自行尋路，結果被困。
認無顧及搜救人員安危
死者胞兄質疑當時任職「機場特警」的溫高估自己能力，溫直認不諱，當胞兄警告他勿再行山連累人時，溫稱已經「冇行山好耐」。在作供完畢前，溫在庭上向死者家屬致歉，承認「失策」沒顧及搜救人員安危。
溫離開法庭時，死者岳母衝出法庭門外持傘截住溫指罵：「你個心有冇內疚、有冇自責？如果係你冇咗個仔點算呀？」在場女庭警勸喻不果，岳母需由數名親友拉開。由於家屬情緒激動及指罵聲響影響研訊，裁判官一度需要休庭，期間又有男親友爆粗罵溫：「你個×街唔死都冇用」、「影衰啲差佬」，溫默然接受辱罵。其中一名死者胞姊則向溫勸勉，家屬並非「怪責」他，但冀望他吸取教訓，勿再害人，溫低頭聆聽教訓。最終溫鞠躬道歉才離開，但有家屬聞言高叫：「你依家同我講對唔住都冇用！」