政情：公民講場：體育學界爭資源 6億翻新公廁成箭靶

自從財政司司長陳茂波喺最近一份財政預算案中，宣布撥款六億元用於翻新公廁之後，不時被爭取資源嘅群體諷刺。早前有老師墮樓死亡，就有學生質疑當局寧願花公帑整公廁，都唔增撥資源支援教師；尋日陳茂波喺網誌又自爆，有熱愛體育運動嘅同學反映，對預算案僅投放二億五千萬元喺培訓運動員方面感到失望，力度不及翻新公廁嘅六億元。查實本港公廁早已臭名遠播，翻新並無問題，但卻屢次淪為箭靶，反映社會對於政府施政不滿就真。