政情：參選路止步 羅冠聰去耶魯讀碩士
一四年違法佔領行動（佔中）有份衝擊政府總部東翼前地嘅「雙學三子」曾被判囚，繼學聯前秘書長周永康出走，到美國加州大學柏克萊分校進攻博士後，另一名學聯前秘書長、因宣誓風波被DQ立法會議席嘅羅冠聰，亦表明暑假會入讀美國耶魯大學東亞研究系，修讀一年嘅碩士課程，課程聚焦中國研究。唔通係自知參選之路止步，而有份創立嘅香港眾志又變成壓力團體，所以出走？
話「離開是為了回來」
喺嶺南大學文化研究系讀足六年先畢業嘅羅冠聰，尋日喺Facebook貼文話，喺佔中成為市民口中的「學聯五子」，到創立眾志、成為立法會議員、在囚，佢都冇機會安坐課室內學習，最近佢獲得耶魯東亞研究系全額獎學金，今年暑假將負笈美國修讀碩士課程，仲話「離開是為了回來」，喺讀完書後會返到自己歸屬嘅土地上奮鬥。