經理猶有餘悸「好彩開咗一槍」
【本報訊】「好彩警察開咗一槍，如果唔係畀佢（疑兇）斬多刀就真係唔知點喇！」被斬傷的佳宝姓劉（五十歲）經理，事發時遭疑兇持刀兜頭狠劈，後腦中兩刀被急送廣華醫院搶救，醫護人員替他進行緊急手術，取出頭顱內的部分碎骨，幸經治理後情況穩定，惟仍需留院觀察。
劉昨憶述警員開槍經過時仍猶有餘悸，指出施襲疑兇過往不時在店內盜竊，「每次我都同佢講，走喇，擺低啲嘢算數喇。」惟至前日中午，劉又發現對方在店舖疑圖謀不軌，「於是我又指指佢，叫佢走！」
詎料疑兇未幾持斬肉刀怒氣沖沖折返，劉指「嗰時我喺（舖）後面做緊嘢，我聽到出面啲人喺度大嗌：『個道友擸刀衝咗入嚟！』我出嚟睇下發生咩事，一出嚟佢就揸住把刀劈我。」結果猝不及防被斬兩刀，而與疑匪糾纏間，警員很快趕至並開槍制服疑犯。劉形容傷勢不算嚴重實屬萬幸，形容「如果畀佢斬多刀，後果都唔知會點？」他又感謝警員果斷執法，「真係要多謝嗰位叫『阿龍』嘅警察，好彩佢開咗一槍，真係多謝！」
燒臘飯店東：已收起刀具
在事件中一度受驚、事後需要送院檢查的佳宝超市女職員，經檢驗後證實沒有大礙，昨日繼續如常上班，被問到警員開槍經過時，她直言「唔想再提。」至於被疑匪擸去斬肉刀犯案、位於上海街的燒臘飯店，負責人（圓圖）昨指事發時正在工作，未有為意被偷去斬肉刀，他又指平日習慣將刀放在砧板旁以便工作，經過今次事件後，他們已經將刀具收起，不會再放在當眼位置。他又贊同警員的做法，形容當時情況危急，警員是為免有市民受到傷害才開槍。